ഷിബു മിദ്‌ലാജ്
2008 ലെ സാഹിത്യത്തിനുള്ള നോബേല്‍ പ്രൈസിന് അര്‍ഹനായ ഫ്രാങ്കോ മൗറീഷ്യന്‍ എഴുത്തുകാരനായ ജീന്‍ മാരി ഗുനാതാവ് ലെ ക്ലോസിയോയുടെ നാല്‍പതിലധികം രചനകളില്‍ മാസ്റ്റര്‍പീസ്സായ രചനയാണ് ഡിസ്സോര്‍ട്ട് (Dessert).
സ്ഥലം മാറ്റം, പ്രവാസം, അഭയാര്‍ത്ഥി പ്രവാഹം, വംശീയ ശുദ്ധീകരണം, ഫാസിസ്റ്റ് മാനിപ്പുലേഷന്‍ എന്നിങ്ങനെ കനത്ത തീരുമാനങ്ങളാണ് ലേ ക്ലേസിയോ ഉപയോഗിച്ചിരിക്കുന്നത്. അവ നിലനില്‍ക്കുന്ന മനുഷ്യ സംഘര്‍ഷങ്ങളില്‍ നാഗരികതകളുടെ തിരോധാനവും നിരോധാനവും മുഖ്യമായും പങ്കുവഹിക്കുന്നു.
രണ്ടു ഭാഗങ്ങളിലായി എഴുതപ്പെട്ട ഈ നോവലിന്റെ ആദ്യ ഭാഗത്ത് യുദ്ധത്തിന്റെയും നാടുകടത്തലിന്റെയും കഥയാണ് പറയുന്നത്. മരുഭൂമിയുടേയും അവിടുത്തെ ജനങ്ങളുടെ ഭാഷയും അതിശയകരമാണ്. നൂര്‍ എന്ന ബാലന്റെ വീക്ഷണത്തിലൂടെയാണ് ആദ്യ ഭാഗം വിവരിക്കുന്നത്. നാടോടികളുടെ മരുഭൂമിയിലെ അതിജീവനത്തിന്റെയും പോസ്റ്റ് കൊളോണിയലിസത്തിന്റെ അതിജീവനത്തെയും പ്രതിപാദിക്കുന്നു. 1910-1920 കാലത്തിനിടയില്‍ നടന്ന ക്രൈസ്തവ മുന്നേറ്റത്തിന്റെ വശം വളരെ വ്യക്തമാക്കുന്നു. ജീവനു വേണ്ടിയുള്ള പാലായനത്തേയും അതിന്റെ നാടകീയമായ രംഗങ്ങളും വ്യക്തമായ ഹൃദ്യമായ ഭാഷയില്‍ വരച്ചിടുന്നു. ഇരു പര്‍വ്വങ്ങളിലെ രണ്ടാം ഭാഗം കോളനീവല്‍ക്കരണത്തിന്റെ കടന്നുകയറ്റത്തിലും യുദ്ധഭീതിയുടെ പശ്ചാത്തലത്തിലും നാടുകടത്തപ്പെട്ട് മരുഭൂമിയില്‍ ഒറ്റപ്പെട്ട ആദിവാസി സമൂഹത്തിന്റെ ജീവിത പുന:സംഘട്ടനത്തിലേക്കുള്ള പശ്ചാത്തലത്തെ പ്രതിപാദിക്കുന്നു. പോസ്റ്റ് കൊളോണിയലിസത്തില്‍ നിന്നുള്ള അതിജീവനത്തിന്റെ പോരാട്ടത്തിനൊടുവില്‍ അനാഥയാക്കപ്പെട്ട ലല്ല എന്ന പെണ്‍കുട്ടിയുടെ വീക്ഷണത്തിലൂടെയാണ് രണ്ടാം പര്‍വ്വം വിവരിക്കപ്പെട്ടിരിക്കുന്നത്. ക്രിസ്ത്യാനിറ്റിയുടെ അധികാരവേഴ്ച്ചക്കുള്ള തേരോട്ടത്തില്‍ ഒറ്റപ്പെട്ടു പോയ ലല്ല എന്ന കുട്ടിയും അതിജീവനത്തിന്റെയും അതിസാഹസികതയുടെയും ജീവിതം ഇവിടെ വരച്ചിടുന്നു. അവളുടെയും അവളുടെ സമൂഹത്തിന്റെയും പ്രത്യാശയും പ്രതികരണ ശേഷിയും അഭയാര്‍ത്ഥി ജീവിതത്താല്‍ തകര്‍ക്കപ്പെടുന്നു. അവളുടെ സമൂഹം കോളനീവല്‍ക്കരണം പിടി മുറുക്കിയ ഒരു സമൂഹമായി മാറുന്നു. വികാരങ്ങളും ആശയങ്ങളും പ്രകടിപ്പിക്കാനുള്ള ശക്തിയെ അത് ചോര്‍ത്തിക്കളഞ്ഞു. ആശയറ്റു പോയ ആ സമൂഹത്തില്‍ നിന്ന് പുറത്ത് കടക്കാന്‍ ഓരോരുത്തരുടേയും അന്തരാളങ്ങള്‍ കൊതിക്കുന്നു. ഇഷ്ടമല്ലാത്ത ഒരുത്തനുമായി വിവാഹത്തിന് പ്രേരിപ്പിച്ച കാരണത്താല്‍ ലല്ല ആ ഗ്രാമത്തില്‍ നിന്നും ഹരതാനി എന്ന ഒരാളുടെ കൂടെ ഒളിച്ചോടുന്നു. തീര്‍ത്തും നിശബ്ദമായി മാത്രം ജീവിതം കഴിച്ചു കൂട്ടിയ ഹരതാനിയുടെ കൂടെയുള്ള ജീവിതം അവള്‍ ആസ്വദിക്കുന്നു. ആട്ടിടയനായ ഹരതാനിയുമായി ആംഗ്യഭാഷയില്‍ മാത്രമാണ് അവള്‍ സംസാരിച്ചത്. പ്രാകൃത സമൂഹത്തില്‍ സംസാര ഭാഷക്കു പുറമെ ആംഗ്യഭാഷക്കുള്ള അതുല്യമായ പങ്ക് നോവലിസ്റ്റ് ഇവിടെ പ്രതിപാദിക്കുന്നു. ഹരതാനിയുടെയും ആശയ വിനിമയം കണ്ണുകളിലെ ചലനങ്ങളിലൂടെയും നിശബ്ദതയിലൂടെയും നിര്‍ബാദം തുടരുന്നു. മൊത്തത്തില്‍ കാര്യങ്ങളുടെയും ടെറക്കുകളുടെയും ഉപരിതലത്തിനപ്പുറം വീക്ഷിക്കാനുള്ള ഒരു മാര്‍ഗ്ഗം പ്രദാനം ചെയ്യുന്നു. സ്വദേശത്ത് നിരന്തരം വിറപ്പിക്കപ്പെടുന്ന ഒരു ജനത മരുഭൂമിയുടെ അകലങ്ങളില്‍ നിന്ന് ആട്ടിപ്പുറത്താക്കപ്പെടുമ്പോള്‍ അവരുടെ ദയനീയമായ നിശബ്ധത പ്രാര്‍ത്ഥനയായും പ്രതിഷേധമായും മാറുന്നു. ലല്ലായുടെ അതിജീവനത്തിന് വഴിയൊരുക്കിയ മാര്‍ സെല്ലസ് നഗരം പോലും നിഗൂഢമായ ഒരു ഭീതിയാണ് പ്രദാനം ചെയ്യുന്നത്. മരുഭൂമി സങ്കല്‍പ്പങ്ങളുടെ നോവലാണ് ഒരു പ്രവാസത്തില്‍ നിന്ന് മറ്റൊന്നിലേക്ക് വംശങ്ങളുടെ തുല്യതക്കും സുരക്ഷിതമായ ഒരു വീടിനും വേണ്ടിയുള്ള ഒരിക്കലും അവസാനിക്കാത്ത ഒരു അന്വേഷണം അത് വിവരിക്കുന്നു. വാക്കുകള്‍ക്കും സൗന്ദര്യാത്മക മൂല്യങ്ങള്‍ക്കുമപ്പുറം അനുകമ്പയുടെ സ്വരം അനാദിയായി തുടരുന്നു.
No comments:
Post a Comment